«Күзгі романс»
Адам өмірінің басты мақсаты, мұраты не? Атақ па, даңқ па, барлық пен байлық па, үлкен лауазым ба, әлде шынайы махаббат па? Көрнекті драматург Серік Асыл-бекұлының "Күзгі романс" драмасы бойынша қойылған бұл спектакль сонау Адам ата мен Хауа анадан бері адамзатты толғантып келе жатқан осы мәңгілік сауалдарға жауап іздейді.
Бұл пьесаға 2005 жылы Қазақстан Республикасы Ұлттық кітапханасы мен "Самсунг электроникс" корпорациясының үздік драмалық шығармаларды анықтау мақсатында өткізген республикалық конкурсының бас жүлдесі берілген болатын.
Адам өмірінің мәні яки мұраты бар. Тек әркімнің өз дүние төрі бар. Яғни, сұлу өмірді, тәуелсіз табиғатты, күллі жағдайды мысық мысықша, қыран қыранша, арыстан арыстанша, құзғын құзғынша көреді. Өздерінің көздерімен көріп, өздерінше қабылдайды, арман-мұраты да әр түрлі. Өмірдің күрделілігі ле сонда жатса керек. Біз, адамдар, театрдамыз ба? Меніңше, джунглидеміз. Демек, аңдармыз.