Жаңа жоба – «Lemon Show»

31 – қаңтар күні қаламызға «Lemon Show» келеді. «Lemon Show» – тұсауын жақында ғана кескен әзіл-ысқақ театры. Әзіл әлеміне енді-енді қадам басқан ұжымның басты мақсаты – қоғамдағы жағымсыз құбылыстарды, солақай саясатты қалжыңмен қағытып, әзілмен түйреу.

Театр құрамында әзіл-оспақтың «жілігін шағып, майын ішкен» апайтөстермен қатар, әзіл жабағысына жаңа отырған жастар да бар. Кезінде көңілділер мен тапқырлардың додасында төселген актер Мұрат Жұмабай біз тілге тиек етіп отырған «Lemon Show» ұжымының жетекшісі. Оның айтуынша, қазіргі таңда парақорлық пен жағымпаздық қоғамның айықпас дертіне айналып бара жатыр. Сондықтан олар әзіл-қалжың арқылы шындықтың шыңына жетпек. Яғни, жайсыз әрекеттерді сынап, бұқараға ой салар әзілдермен бөлісу.  

«Lemon Show» қаламыздағы «Балалар шығармашылық мектебіндегі» қойылымын кешкі сағат 17:00-де орыс тілінде, ал 20:00-де қазақ тілінде өткізеді.

 

Қасқырбай Қойшыманов