Кәләм Байназарұлына 100 жыл

Ыбырай Алтынсарин атындағы Рудный әлеуметтік-гуманитарлық колледжінде еліміздің кәсіптік білім беру саласында өлшеусіз үлес қосқан ұлағатты ұстаз Кәләм Байназарұлының 100 жылдығына арналған ғылыми-теориялық конференция өтті.

Оған көрнекті тұлғаның Меңдіқара педучилищесінде еңбек еткен жылдардағы шәкірттері мен замандастары, туған-туыстары мен ұстаздың ізін жалғастырып келе жатқан ұстаздар қауымы қатысып, орамды ойлары мен өнегелі сөздерін ортаға салды. Конференция барысында Меңдіқара ауданының орталығындағы Первомайское ауылының мектебіне Кәләм Байназарұлының есімі берілсе, сондай-ақ тұңғыш рет өткізіліп отырған аталмыш шара тамаша дәстүрге айналса деген ұсыныс-тілектер айтылды.