Отбасы құндылықтары

Сарыкөл ауданы Урицк орта мектебінде "Қазақстанда тұрақты дәстүрлі отбасы талаптары қалай?" атты тақырыпты қамтыған кең көлемдегі ғылыми-тәжірибелік конференция өтті.     

 

Келелі конференцияға қатысқандар тақырыпқа сай баяндамалар оқып, отбасылық құндылықтар туралы ой өрбітті. Сондай-ақ, кәмілетке толмағандар,  ата-ананың қамқорлығынсыз қалған отбасылар туралы да тереңірек қозғалып, тілге тиек етілді.  Бір топ сарыкөлдік тәлімгерлер, психологтар және ата-аналар тақырып төңірегінде өз ойларын ортаға салып, көкейтесті сауалдарына тиісті жауаптар алды.

Жалпы, мұнда қатысқандардың дені  тәлімгерлер мен ата-аналардың  білім деңгейін жүйелі түрде оқыту әдістері арқылы жетілдендіріп, сондай-ақ,  отбасы құндылықтары мен тәрбиесі жөнінде тәіжірибе алмасатындай презентациялар көрсетіп, дөңгелек үстел ұйымдастырып отыру керек деп ой түйді.

 

Руслан Әлкеев

Сарыкөл ауданы