М. Дауенов «Жастарға жемқорлыққа қарсы екпе қажет»

ҚР Президенті Н.Назарбаевтың халыққа «Нұрлы жол – болашаққа бастар жол» Жолдауы туралы пікірінде Қостанай мемлекеттік университеті ректорының кеңесшісі Михаил Дауенов оның ауқымдылығы мен бағдарламалық сипатын атап өтті.

Еліміз әлемдік деңгейге жететін кезеңде тұр, – деп санайды М.Дауенов, – сондықтан Елбасының соған қатысты қабылдайтын шешімдері барлығын қызықтырады. Жолдауда ұзақмерзімдік саяси бағыттың әзірленгенін естідік. Еліміздің әрі қарай дамуы соған байланысты болмақ. Осыған орай жемқорлықпен күрес мәселесі, бюджет қаражатын тиімді пайдалану және қатал партиялық бақылау мәселелері аса маңызды.

Оның сөзіне қарағанда, жемқорлыққа қарсы көзқарас қалыптастыруда ел педагогтарына мол жауапкершіліктің жүгі артылады. 
Жастарды жемқорлық істерге қарсы әрекет етуге үйрету керек. Бұл жемқорлыққа қарсы екпе сияқты. Ертең сол жас өсіп-өінп, лауазымды орынға отырған кезде, мемлекет қаражатына қол салмауы маңызды, – деді Михаил Дауенов.