Бағаға тұсау бар ма?

1 наурыздан бастап Қостанай мектептерінің асханаларында тамақтану құны көтерілді. Бұл туралы қалалық білім бөлімінің маманы Татьяна Степанова хабарлады. Маман бұл жағдайда тасымалдаушылар арасындағы байқау әдеттегіден ерте аяқталуымен түсіндіреді. Айта кетейік, бұған дейін 1 сәуірден бастап азық-түлік бағасының өсуі күтілетіні хабарланған болатын. Тағам коммуналдық қызметтер құнының өсуіне байланысты делінген. – Біз мектептерде тамақтануды ұйымдастыруды жүзеге асыратын жеке кәсіпкерлермен, мектеп басшыларымен және қамқоршылық кеңестермен бірлесіп, осындай шешімді 2021 жылғы желтоқсанда қабылдадық. Жыл сайын қаңтар-наурыз айларында барлық мектептерде тамақтандыруды таңдау бойынша конкурс өткізіледі. Техникалық тапсырмаға сай баға 380 теңге болды. Азық-түлік тасымалдаушысын тањдау бойынша конкурс бір айға ерте аяқталғандықтан, ақпан айында мектеп оқушысының ыстық таңғы асының бағасы 1 наурыздан бастап көтеріліп, бұрынғы 320 теңгенің орнына 380 теңгені құрады, – деді Т.Степанова.

Сондай-ақ, маман тамақтану провайдерлері азық-түлік қызметтерін төлеу үшін терминалдар орнатқанын атап өтті. Енді оқушылар түскі асты кез келген банк картасымен төлей алады. Ата-ана төлемақысы есебінен тамақтанатын балалар үшін қолма-қол ақшасыз төлем жасаған кезде мәзірде көрсетілген бағадан 10 пайыз жеңілдік көзделген.

– Ата-аналардан түсіністікпен қарауды сұраймыз. Мектеп сайттарында тамақтану, тамақ суреттері, перспективалық мәзір туралы барлық ақпарат бар. Әрбір ата-ананың білім беру мекемесінде құрылған сарапшылық комиссиясының құрамына кіруге және дайындалған тағамдардың сапасын бағалауға құқығы бар екенін еске саламыз. Тасымалдаушылар тұрақтандыру қоры арқылы азық-түлік сатып алу мүмкіндігі туралы мєселе көтерді, – деді білім бөлімінің өкілі.

Шұға Қоңқабаева