Ауыз сумен қамтылды
Жаңа жыл мерекесі қарсаңында Жанкелдин ауданының Қалам-Қарасу ауылдық округінде су тұшыту қондырғысы ашылды.
Ауылдықтардың көптен күткен қуанышын аудан әкімі Шота Оспанов бөлісе барды. Су тұшыту қондырғысы “Нұрлы жер” бағдарламасы аясында орнатылды. Нысан құрылысына республикалық бюджеттен 171,575 млн теңге қаржы бөлінді. Бас мердігер – жезқазғандық “Дәнекер” ЖШС. Осы уақытқа дейін ауыл тұрғындары ауыз суды өзеннен тасып ішіп келген еді. Осы мәселе басшылықтың есеп беру жиындарында халық тарапынан көтеріліп келген болатын. Ақыры шешімін тауып отыр. 
Айта кетейік, алдағы жылы Шұбалаң ауылының бұрылысынан бастап, Көкалат – Аралбай ауылының бұрылысына дейін асфальт жабындысы төселеді. Бұл жаңалықпен аудан әкімі бөлісті. Келелі жиын соңында ауыл тұрғыны Марат Темірғалиев билік өкілдеріне ауылдықтар атынан алғыс білдірді.
