Ыбырай мектебіне – 150 жыл

Жанкелдин ауданындағы Ыбырай Алтынсариннің өз қолымен іргесін қалаған білім ошағына биыл 150 жыл толып отыр. Айтулы күнге орай, Торғай төсіне республикамыздың түпкір-түпкірінен ғалым, жазушы, ақындар жиналды. Қонақтар алдымен Ыбырай атамыздың атындағы мұражайды аралады, ескерткішіне гүл шоқтарын қойып, ұлы ұстаздың рухына тағзым етті. Екі күнге созылған мерекелік жиын барысында, қазақ күресінен жарыс, ат бәйгесі ұйымдастырылды. Сондай-ақ, мерекелік концерт өтті.