Өндіріс өркендеп келеді

Қостанай облысында ауыл шаруашылығы саласында жаңа өндіріс орындары ашылды. Бұл туралы баспасөз мәслихатында облыс әкімі мәлімет бере өтті.

Қуаттылығы жылына 20 мың тонна құс етін құрайтын Комсомол құс фабрикасы қайта еңсе түзеді. Қостанай қаласында жылына 20 мың тонна ет өңдейтін ет өңдеу кешенінің құрылысы аяқталуға жақын. Жоба бастамашысы – "BEEFEXPORTGROUP" ЖШС.
"Терра" серіктестігі қуаттылығы 7,7 мың тонна ет өңдейтін кешен салды.
Арқалық қаласында "Арқалық Айдар" ЖШС құрамына элеватор, құрама жем зауыты кіретін астық өңдеу кешені ірге көтеруде. Сондай-ақ 5,0 мың басқа арналған бордақылау алаңы және 2,5 мың басқа арналған репродукторы бар мал шаруашылығы кешені салынған.