Мәртебелі атақпен марапатталды
Бүгін елордада "Қазақстанның құрметті азаматы" орденінің иегерлерін марапаттауға арналған салтанатты іс-шара өтті.
Қазақстан Республикасы Тәуелсіздігінің 30 жылдығына орай табысталып отырған мәртебелі атаққа жерлесіміз, белгілі қаламгер, ақпарат саласының ардагері Мақсұтбек Сүлейменов ие болды. Бұл марапат оған ақпарат саласындағы жемісті еңбегімен елдің дамуы мен гүлденуіне қосқан үлесі үшін берілді.
Мақсұтбек Сүлейменов – ел мен жердің жайын, қоғам ахуалын зерттеп-зерделеп, ұлт игілігі үшін бірнеше құнды еңбек жазып, БАҚ саласын дамытуға зор еңбек сіңірген дарынды қаламгер.
