Өнер мектебінің оқушылары жеңіспен оралды

Жангелдин ауданындағы Б.Хамзин атындағы өнер мектебінің оқушылары бұған дейін республикалық, халықаралық байқауларда бақ сынап, ауданымыздың мәртебесін өсіріп жүрген  болатын.

Бұл жолыда аталмыш мектептің би бөлімінде дәріс алып жатқан өнерлі оқушылары кеше ғана білім басқармасының ұйымдастыруымен Қостанай қаласында өткен балалар шығармашылығының “Армандастар” облыстық фестиваліне қатысып, жүлделі бірінші орынды иеленді  Шәкірттер ұстаздарының сенімін ақтады. Осы орайда би бөлімінің ұстазы Жанат Әбдісалыққызының еңбегі зор екендігінде айта кеткен жөн.

Өнер мектебінің директоры Жанар Шалабаева оқушылардың облыстық байқауға қатысуына ықпал жасап, демеушілік көрсеткен аудандық білім білім беру бөлімінің басшысы Наурызбай Сейдахметовке және білім саласы қызметкерлерінің кәсіподақ ұйымының төрайымы Жұпаркүл Хамзинаға  сонымен қатар ата-аналар тарапынан қолдау білдірген Серік Сапаровқа зор алғысын білдіруде. 

 

                                                                         

 

Байбатыр Ахметбеков

    Жанкелдин ауданы