Қызықты аула
Қостанай облыстық тарихи-өлкетану музейі мәдениет басқармасы жанындағы "Мәдени аулаға" келушілерге Ы.Алтынсариннің 180 жылдығына арналған "Оқу-ағарту жолындағы ұстаздық ғұмыр" атты фотоқұжатты жылжымалы көрме дайындады. Көрме аясында екі тілде экскурсия жүргізілді. Жасөспірім келушілер ертегі кейіпкерлерімен кездесіп, ұлы педагог әрі ағартушының балаларға арналған туындыларынан аудио жазбаларды тыңдай алды. Сондай-ақ, сәнді-қолданбалы өнер бұйымдарының көрме-жәрмеңкесінен қалаған кәдесыйларды сатып алуға болады. Жаз айында осындай жерлерге келіп, балалар дүниетанымын кеңейтіп, қызықты өткізуге болатынын ұмытпайық.
А.ӘБДІЛДА.
