Жылымық соңы – көктайғақ

Ақтүтекті, аязды ақпан айы былжыраңқы басталды. Күн күрт жылынып, жаңбыр жауды да, көктем келгендей айнала шылқып кетті. Одан кейін күн қабағы қайта қатуланып, жағалай көктайғаққа айналды, салдарынан жолдар жабылып, жүріс-тұрыс қиындады.

Облыстық Төтенше жағдайлар департаменті де ескерту жариялап, өңірдің кей жерлерінде тұман, көктайғақ болуы мүмкін екенін хабарлады. Ал синоптиктер ел аумағында жауын-шашын болып, ауа температурасы жоғарылайды дейді.

«Жылу мен ылғалдың мол қорымен атлантикалық циклон Қазақстан аумағына ығысады. Ол өзімен бірге жауын-шашын әкеледі, тіпті солтүстік аймақтарда қардың соңы жаңбырға ұласады. Сондай-ақ, көктайғақ, тұман болып, бүкіл ел бойынша температуралық фон көтеріледі деп болжанажды, бірақ алдағы демалыс күндері қайтадан салқын болады», – дейді синоптиктер.

 

Айтолқын АЙҚАДАМОВА

Суреттерді түсірген Бағдат АХМЕТБЕКОВ.