Еліміздің боксшылары Азия ойындарында 6 алтын жүлдеге ие болды
Қазақстандық боксшылар үздік нәтиже көрсетті . Бүгін Азия ойындарында бұлғары қолғап шеберлері өз бәсекелерін аяқтап, жоғары көрсеткішке қол жеткізді. Олар 6 алтын, 1 күміс және 1 қола жүлде ұтып, командалық есепте топ жарды.
Ал, әзірге Қазақстан Ұлттық құрамасы 28 алтын, 20 күміс және 32 қола медаль алып төртінші орынға орналасты. Бұл нәтиже еліміз үшін ең жоғары көрсеткіш, өзіндік рекорд. Себебі қазақстандықтар 1994 жылы өткен Азия ойындарында 25 алтын медальға ие болған.
Айта кетейік, Инчхондағы шаршы алаң бәсекесінде біздің қос жерлестеріміз Антон Пинчук пен Иван Дычко, сонымен қатар Ілияс Сүйлейменов, Данияр Елеусінов, Жәнібек Әлімханұлы, Әділбек Ниязымбетов, Азия ойындарының чемпионы атанды.
Мешіт Ғазиз
