Балаларға ойын алаңы ашылды

Биылғы жылы Сарыкөл ауданында атқарылып жатқан ігі істер әлі де жалғасын табуда.

Айталық, осы аптада Сарыкөл темір жол бекетінде аудан әкімдігі мен темір жол ұжымының бірлесе атқарған жұмысының нәтижесінде ауданда тағы бір балалар ойын алаңы пайда болды. Оны аудан әкімінің орынбасары Асқар Жақсыбаев салтанатты түрде ашып, алғы сөзінде алаңды әрлеу жағына өз үлестерін қосқан ауыл әкімдігінің қоғамдық жұмыскерлеріне ақ алғысын айтып, ата-аналар мен балаларды айтулы игі бастаманың жүзеге асуымен шын жүректен құттықтады.

Мінеки, бұдан былай өңірдің бұл бекетіндегі балалар да спорттық өз ойын алаңдарында асыр салып, құмарлары қанғанша ойнайтын болады.   

 

Руслан Әлкеев

Сарыкөл ауданы