Автонесиелендіру бағдарламасы мақұлданды
Ұлттық банк автокөлікті жеңілдетілген несиемен беретін бағдарламаны мақұлдады, – деп хабарлайды "Тенгри ньюс" тілшісі.
Енді елімізде құрастырылған жеңіл көлік жеке тұлғаларға мынадай талаптар бойынша беріледі: ең жоғарғы қарыз сомасы – 15 миллион теңге, мерзімі – 7 жылға дейін. Атаулы сыйақы мөлшерлемесі – ең көбі жылдық 4 пайыз. Сонымен қатар, тиімді жылдық мөлшерлеме 7,5 пайыздан аспауы тиіс. Оған сақтандыру және автокөлікті кепілге рәсімдеу шығындары кіреді.
Енді елімізде құрастырылған жеңіл көлік жеке тұлғаларға мынадай талаптар бойынша беріледі: ең жоғарғы қарыз сомасы – 15 миллион теңге, мерзімі – 7 жылға дейін. Атаулы сыйақы мөлшерлемесі – ең көбі жылдық 4 пайыз. Сонымен қатар, тиімді жылдық мөлшерлеме 7,5 пайыздан аспауы тиіс. Оған сақтандыру және автокөлікті кепілге рәсімдеу шығындары кіреді.
Айта кетейік, 2018 жылы екінші деңгейлі банктер 222,1 миллиард теңгеге 92 мың 500 автонесие берген болатын. Номиналдық сыйақы мөлшерлемесі айтарлықтай жоғары, яғни 13-26 пайызға шақ болған. Соған қарамастан, қарыз алушылардың көрсеткіші бір жыл бұрынғымен салыстырғанда, екі есеге ұлғайған.
