Абылай Мауданов – жүлдегер!
Қоғамды рухани жаңғыртудың идеялары мен құндылығын көрсететін қазіргі авторлардың шығармаларын дамыту, қолдау және насихаттау мақсатында өткізілген «Ұлы дала» байқауы аяқталды. Республикалық шығармашылық конкурсына Қостанай облысынан бірнеше үміткер қатысты. Солардың ішінде есімі елге белгілі ақын Абылай Мауданов «Драматургия, көркем фильм мен телесериал сценариі» номинациясы бойынша жүлделі үшінші орынға ие болды. Осылайша, «Нұр Отан» партиясы Төрағасының Бірінші орынбасары Мәулен Әшімбаев пен танымал сыншы Әлия Бөпежанова жерлесімізге арнайы грамота және 500 мың теңгенің сертификатын тапсырды.
Айта кетейік, Абылай Мауданов бұл байқауға «Әбдіғапар» драмалық шығармасымен қатысты.
