Зейнеткер отын базасын ашты
Аманкелді ауданына етене таныс ұстаз Алданай Райжанұлы зейнеткерлікке шығысымен «Таубаев» жеке кәсіпкерлігін құрып, ауданда бірінші болып отын базасын ашты. Зейнеткер бұрынғы отын базасының орнынан жарты гектар жер алып, оны темір-тор шарбақпен қоршап, көмір түсіретін арнайы орынға айналдырды.
Кәсіпкер көмірді Арқалыққа поезбен, ауданға жүк көліктерімен жеткізеді. Қазіргі күні ол ауданға 300 тонна Қарағанды көмірін әкеліп отыр. Отын 8500 теңгеден саудаға салынуда.
