Адасқандар аман құтқарылды

Өткен демалыс күндері Алтынсарин ауданы Бозбек ауылының тұрғындарын елең еткізген оқиға орын алды.

Атап айтсақ,  саңырауқұлақ термек болып орманға кеткен  әкелі – балалы  бір отбасының 3 мүшесі   ешбір хабарсыз кеткен. Арада  бір тәулік өткенде жоғалған адамдардың туыстары облыстық  төтенше жағдайлар департаментінің құтқару қызметіне  хабарласып, көмек сұрайды. Суыт  хабар алған құтқарушылар  құрамында кинолог маман бар  6 адаман тұратын топ жасақтап, іздеу жұмыстарына кіріседі.   Департаменттің нақты бекіткен жоспарына сай жүргізілген жұмыстар өз нәтижесін берді. Арада 2 сағат өткенде жоғалғандар табылды.  Қасында  6 және 10 жасар баласы бар Бозбек ауылының тұрғыны  орманға барып жол таба алмай адасып кетіпті. Осылайша олар бір күн бойы тамақсыз, сусыз орманда түнеуге мәжбүр болған.

 Мешіт Ғазиз