Пара алған шенеунік ұсталды
ҚР Мемлекеттік қызмет істері министрлігі Сыбайлас жемқорлыққа қарсы іс-қимыл ұлттық бюросының Қостанай облыстық департаменті облыс әкімдігінің Жолаушылар көлігі және автомобиль жолдары басқармасы басшысының орынбасары Д.Жансейітов пара алды деген күдікпен ұсталды.
Ведомствоның хабарлауынша, Д.Жансейітовтің өзіне бағынышты бөлімнің жетекшісі Ю.Григоренко арқылы жеке тұлғадан облыс аумағында бағдаршам нысандарын салу жұмыстарының орындалуы туралы актіге қол қою және жалпы қамқорлығына алу үшін 2 млн. теңге алғандығы анықталған.
Қазіргі уақытта Д.Жансейітов пен Ю.Григоренко қылмыстарын толығымен мойындады. Сотқа дейінгі тергеу амалдары жүргізілуде.
Қазақпарат
