Қала күні қалай өтпек?
Рудныйда қала күні мен металлургтердің кәсіби мерекесі 5 тамызда тойланады. Қос мерекеге орай орталық алаңда тұрғындар үшін Қазақстан мен Ресейдің танымал эстрада жұлдыздары өнер көрсетпек.
Қалалық мәдениет және тілдерді дамыту бөлімі хабарлағандай, бұл күні алдымен жергілікті өнер ұжымдары өздерінің ең үздік туындыларын орындайды. Күн батуға жақындағанда сахна төріне Қайрат Нұртас, одан кейін Ресейдің поп-жұлдызы Ирина Дубцова көтеріліп, хит әндерін шырқамақ.
Ертеңінен, 6 тамызда қаланың орталық саябағында «Холи» бояулар фестивалі ұйымдастырылып, ойын-сауық бағдарламалары мен интерактивті алаңдар жұмыс істейтін болады.
Қуаныш ЕСҚАБЫЛ,
Рудный қаласы.
