“Тобыл” – “Шахтер”: 3-0 (ВИДЕО)
Бүгін "Затоболец" стадионында "Тобыл" ел біріншілігіндегі екінші жеңісіне қол жеткізді.
Огай шәкірттері Қарағандының "Шахтерінен" айласын асыра білді. Ойынның бірінші бөлігінде-ақ қарсылас қақпасына екі гол соғып, жергілікті жанкүйерлерді бір қуантты. 
25-минутта Сергей Яворский есеп ашса, 35-ші минутта Томаш Шимкович есепті еселеді. 
Огай шәкірттері Қарағандының "Шахтерінен" айласын асыра білді. Ойынның бірінші бөлігінде-ақ қарсылас қақпасына екі гол соғып, жергілікті жанкүйерлерді бір қуантты. 25-минутта Сергей Яворский есеп ашса, 35-ші минутта Томаш Шимкович есепті еселеді.
Алаңға екінші таймда шыққан "Шахтердің" бұрынғы ойыншысы Сергей Хижниченко үшінші голды соғып, қостанайлық жұртшылықтың мерейін одан ары асқақтатты. 
Команданың жеңісіне сүбелі үлес қосқан қақпашы Логиновскийді де айта кеткен жөн. Себебі, "Шахтер" футболшыларының үздіксіз жасаған соққыларын қайтара білген қақпашы, ойын соңындағы он бір метрлік айып добын да тоқтатты. Сөйтіп, "Тобыл" биылғы маусымда өз қақпасына әлі гол жібермеді.
| № | КОМАНДА | О | Г | Ұ |
|---|---|---|---|---|
| 1 | Ертіс (Павлодар) | 3 | 7-0 | 9 |
| 2 | Астана | 3 | 6-2 | 9 |
| 3 | Тобыл (Қостанай) | 2 | 4-0 | 6 |
| 4 | Ордабасы (Шымкент) | 3 | 6-5 | 6 |
| 5 | Оқжетпес (Көкшетау) | 3 | 4-3 | 4 |
| 6 | Тараз | 3 | 4-5 | 4 |
| 7 | Ақжайық (Орал) | 3 | 2-5 | 3 |
| 8 | Жетісу (Талдықорған) | 3 | 2-3 | 2 |
| 9 | Қайрат (Алматы) | 3 | 3-5 | 1 |
| 10 | Ақтөбе | 3 | 2-5 | 1 |
| 11 | Атырау | 2 | 1-4 | 1 |
| 12 | Шахтер (Қарағанды) | 3 | 1-5 | 1 |
Назараларыңызға ойынның толық нұсқасын ұсынамыз.
"Тобылдың" келесі қарсыласы – шымкенттік "Ордабасы". Бұл кездесу 9 сәуір күні өтеді.
