Қару тапсыр да, сыйақы ал
Облыста қару-жарақты өз еркімен тапсыру акциясына 174 азамат қатысып, 201 атыс қаруы мен 2000 патрон тапсырды.
Тұрғындардан заңсыз сақталған атыс қаруын, жарылғыш заттар мен оқ-дәріні сатып алу жөніндегі акцияны әкімшілік полиция басқармасы қызметкерлері 21 сәуірде бастады. Тапсырылған қару үшін ақшалай сыйақы қарастырылған. Облыс тұрғындарына акция барысында барлығы 4 млн. теңгеден астам қаржы төленбек.
