Тасқынға тосқауыл
Қарасу ауданы. Көктем туысымен ауыл тұрғындарынан маза қашады. Алты ай қыста қар жамылған елді-мекендер көктемге салым одан құтылудың амалдарына кіріседі. Өйткені, күн күрт жылынса, ауыл маңдарындағы сай-сала мен жолдарды су басады. Мәселен, новопавловтықтар жолды жауып тастаған оппа қарларды аршып, су жүретін арықтарды тазартты. Сөйтіп, қар суын алқаптарға ағызып жүру шараларын жасап алды. Тұрғындар үшін ең бастысы аудан орталығы мен Қостанайға қатынастың үзілмеуі.
