Құнды жәдігерлер
Қостанай. Қазақстан халқы ассамблеясының 20 жылдығына орай Достық үйінде көрме ашылды. Көрме отбасылық құндылықтарға арналған. Бұл жерден әр жанұяға қымбат, атадан балаға мұра ретінде беріліп келе жатқан заттарды көруге болады. Жәдігерлердің айтары көп. Сырға тұнған дүниелерден елдің тарихын кезең-кезеңімен елестетуге болады.
Көрме алғаш ашылып отырғандықтан мұнда әзірге 30 отбасы үлес қосқан екен. Келешекте бастама облыстық деңгейге ұласып, жәдігерлерді шалғай ауылдардан да жинамақ ниетте ұйымдастырушылар.
