Жеңілдетілген тарифпен
Қостанай кәсіпкерлер палатасының баспасөз қызметінің хабарлауынша, ССКӨБ өз өнімін Қытайға енді жеңілдетілген теміржол тарифімен тасымалдайтын болады. Нәтижесінде Соколов-Сарыбай кен-байыту өндірістік бірлестігі Қытайға кем дегенде 1920 мың тонна кен шикізатын жеткізеді.
Дағдарысқа қарсы мұндай алдын алу шарасы 2015 жылға арналған отандық кәсіпорындарды қолдау жоспарында қарастырылған-ды. ССКӨБ қолдау жоспары аясында атаулы көмек алатын облысымыздағы екі кәсіпорынның бірі болып саналады. Ал, екінші қостанайлық кәсіпорын-"АгромашХолдинг" зауыты көмек ретінде "КазАгроҚаржы"АҚ арқылы мемлекеттік бағдарламаға қатысушыларға 260 комбайн сатуға мүмкіндік алады.
Гүлназым САҒИТОВА
