Ақиық ақынға арналды
Ш. Қабылбаев атындағы Қостанай академиясында қазақтың ақиық ақыны М. Мақатаевтың 84 жылдығына арналған кеш өтті. Шараға оқу орнының басшылығы, қызметкерлер құрамы, 1-3 курс тыңдаушылары қатысты. Оқу орнының тыңдаушылары ақынның сөздеріне жазылған әндерді шырқап, өлеңдерін оқыды. Жиналғандарға Мұқағалидың өміріне, қызметіне арналған бейнефильмнен үзінді ұсынылды. Кеш аясында ақынның шығармашылығына арналған әдебиет көрмесі ұйымдастырылды.
