Еңбек Ерін еске алды
Сарыкөл ауданында Социалистік Еңбек Ері Ғазиз Сексеновті еске алуға арналған волейболдан жарыс өтті. Оған біздің жерлестерімізбен бірге Ғ.Мүсірепов пен Қарасу аудандарынан келген командалар қатысты.
Үміттерін үкілеп келген волейболшылар әр кезеңді тартысқа толы өткізуге тырысты. Қарсыластар бір-бірлерінен қапы қалмай, әдемі ойын өрнегін көрсетті. Соның нәтижесінде, бірінші орынды Ғ.Мүсірепов құрамасы жеңіп алса, екіншіні алаң иелері еншілеп, ал қарасулықтар үштікке табан тіреді.
Жеңімпаздар, үздік ойыншылар мадақтама қағаздары және ақшалай сыйлықтармен марапатталды.
Жалпы, Ғазиз Нұртасұлын еске алуға арналған турнир биыл осымен үшінші жыл ұйымдастырылып отыр.
Руслан Әлкеев
Сарыкөл ауданы
