Еске алу эстафетасы
Қарабалық ауданы ҰОС-дағы Жеңістің 70 жылдығына арналған Әскери Даңқ кітабын қабылдап алды. «Еске алу эстафетасы» жобасы өткен жылдың мамыр айында басталған болатын. Сол уақыттан бері Әскери Даңқ кітабы кесте бойынша облыстағы аудан-қалаларға табысталып отырды. Әр аудан он бес күннің ішінде ҰОС-ның ардагерлері туралы ақпарат жинап, есімдерін кітапқа жазды. Бұл кітапқа соғыс ардагерлері мен тыл еңбеккерлерінің есімдері және олардың мағыналы естеліктері енген.