Түз тағысын торуылдау жалғасып жатыр
Науырзым қорығының инспекторлары Қорық аумағында дала қасқырының мониторингі бойынша "АСБК" РҚБ әріптестерімен бірлесіп жұмыс атқаруда. Орман алқаптары мен далалы жерлерде зерттеу жүргізілуде, жол бойында басқа да жануарлардың іздері байқалады. Сібір елігін, бұлан, қабан және өзге де жануарладың іздері сайрап жатыр.
Алғашқы күндердің нәтижелері бойынша жалғыз қасқырдың, жұптасақан, сондай-ақ топтасқан жануарлардың іздері байқалды. Қорық мамандарын SMART Mobile қосымшасымен таныстыру жұмыстары да жүргізілді. Қосымшаның пайдасы зор. Жануарлар әлемі туралы мәліметтер жинау үшін бірнеше қорғалатын табиғи аумақтарда қолданылуда. Бұл есептер мен аналитикалық анықтамаларды тез дайындауға көмектеседі.
Айтолқын АЙҚАДАМОВА.
Науырзым ауданы.
