Жерлестеріміз Еуропадан дауыс берді
Шет мемлекеттерде жүрген 12 мыңнан астам қазақстандықтар өз таңдауын жасады. Шетелде жүрген Қазақстан азаматтарына ҚР Президентінің кезектен тыс сайлауына қатысуға мүмкіндік жасалды. Қазақстанның шетелдегі мекемелерінің жанынан 53 мемлекетте 68 сайлау учаскесі құрылды.
Елден мыңдаған шақырым жерде азаматтық борышын өтеген жерлестеріміздің бірі – Қостанай әйелдер көшбасшылары клубының басшысы Гүлвира Құдайқұлова
– Мен Лондонда оқып жатқан ұлыма қонаққа келдім, біз онымен бірге ҚР Елшілігінің жанындағы сайлау учаскесіне бардық. Ол жерге алғашқылардың бірі болып келдік. Англияда тұратын қазақстандықтардың Отанынан алыс болса да өз борышын беруге келгені қуантады. Айтпақшы, ұлым екеуміз бюллетеньдерді урнаға түсірген сәтте елшілікке «Хабар» телеарнасының тілшілері келіп, олар осы сәтті бейнебаянға түсірді. Мен не айтайын? Мен азаматтық борышымды жаңа Қазақстанға, тұрақты, тәуелсіз және бейбіт елге, балаларымыздың болашағына дауыс беру арқылы орындадым,- дейді Гүлвира Құдайқұлова.
Венадан бүгін Қостанай облысының іскер әйелдер қауымдастығының мүшесі Ирина Сулименко де дауыс береді. Ол ҚР-ның Австриядағы елшілігінде қазақстандықтарды шай, тәтіт нан және бауырсақ қарсы алғанын жазады.
– Көптеген адамдар, әсіресе студенттер барлығы жақсы көңіл-күйде. Біздің бұл жерден кеткіміз келмеді, – деп атап өтті Ирина Сулименко өз парақшасында.
