Редакцияда жаңа басшы
Басылымға жаңа басшы келді. «Қостанай таңы» газеті редакциясы» ЖШС директор-бас редакторы қызметіне Аманова Кенжеш Оразғалиқызы тағайындалды.
Редакцияны 8 жыл бойы басқарған Жанұзақ Аязбеков құрметті еңбек демалысына шықты. Жаңа басшыны ұжымға Қоғамдық даму басқармасының басшысы Марат Жұрқабаев таныстырды. Ол Жанұзақ Аязбекұлының жұмысына рақмет айтып, алғыс хат табыс етті.
Кенжеш Аманова 1977 жылы 24 сәуірде дүниеге келген. 1998-2001 жылдары Орталық Азия университетінде қаржы және экономист мамандығын оқыған. 2010-2012 жылдары Қостанай мемлекеттік университетінде білім алды. Мамандығы – филолог (бакалавриат).
Журналистикадағы еңбек өтілі – 25 жыл. Бұған дейін «Rýdnyi media» серіктестігінде бас редактор лауазымында болды. Телерадио хабарларын тарату саласындағы еңбек жолы дикторлықтан басталып, біраз жылдар басшылық қызмет атқарған.
«Қазақстан Республикасының Тәуелсіздігіне 20 жыл» (2011 ж.), «Рудный қаласына 60 жыл» (2017 ж.) сияқты мерейтойлық медальдермен марапатталған.
Суретті түсірген Бердіболат КӨРКЕМБАЕВ.
