AIMAQTA QANDAI HABAR BAR?
Oblysta."Altyn sapa" respýblıkalyq baıqaýynda qostanaılyq sút ónimderin óndiretin "Mılh" JShS júldegerler qatarynan kórindi. Seriktestik "Azyq-túlik jáne/nemese aýyl sharýashylyǵy ónimin óndirýshi úzdik kásiporyn" atalymy boıynsha jeńimpaz atandy. Marapatty QR Prezıdenti Q.Toqaev tapsyrdy. Bul baıqaýǵa 200 taýar óndirýshi qatysqan. Sarapshy komısıa úsh deńgeı jáne tórt atalym boıynsha 14 jeńimpazdy anyqtaǵan.
Chellendj – jazasyn óteýshiler arasynda
Jitiqara. Eldi meken aýmaǵyndaǵy túzeý mekemesinde jazasyn óteýshiler Abaı shyǵarmalaryn oqý estafetasyna ún qosty. Olar elge tanymal chellendjdi beınejazba arqyly jalǵastyrdy. Abaqtynyń arǵy jaǵyndaǵy azamattar uly aqynnyń óleńderin qazaq jáne orys tilderinde jatqa oqyǵan. Búginde beınetaspa áleýmettik jelilerge jarıa bolyp, kópshilik baǵasyn alýda.
Enshisinde – eki rekord
Rýdnyı. Klasıkalyq paýerlıftıngten ótken Azıa chempıonatynda rýdnyılyq stýdent Dıaz Muhamedın eki rekord ornatyp, chempıon atandy. 22 elden 300 sportshy qatysqan synda halyaralyq dárejedegi sport sheberi kórsetkishine qol jetkizdi. Ol 155 keli ziltemirmen úsh ret otyryp-turyp, 105 kelini shalqalaı, 160 kelini bel kúshimen baǵyndyrdy. 18 jastaǵy stýdenttiń bul nátıjesin qaıtalaıtyn qarsylas tabylmady.
Úzdik úsh esim
Lısakov. Táýelsizdik kúni qarsańynda Lısakov jastarynyń altyn kitaby jańa úsh esimmen tolyqty. Olar – daryndy ánshi Ermahan Baǵdáýlet, qalalyq eriktiler qozǵalysyn qurýshy Mıhaıl Bogatko jáne "Alaqandaǵy ómmir jobasy aıasynda 4 jasar naýqas balaǵa baýyrynyń jartysyn bergen Alekseı Sychýgov. Osy kezge deıin bul kitapqa 13 lısakovtyqtyń esimi engen.
Jas balýannyń júldesi
Áýlıekól. Qyzylorda oblysynyń Shıeli aýylynda ótken qazaq kúresinen áýlıekóldik balýan úzdik úshtiten kórindi. Respýblıkalyq týrnır Táýelsizdik kúnine jáne Mustafa Shoqaıdy eske alýǵa arnalǵan jarys 2004-2006 jylǵy jasóspirimder arasynda ótti. 81 keli salmaqta Ádilbek Jańbyrshınov "qola" medal taǵyndy. Eldiń túkpir-túkpirinen balýandar jıylǵan jarystaǵy bul júlde – eleýli nátıje.
Bilgirler baıqaýy
Altynsarın. Aýdanda İT-tehnologıa men robot qurastyrýdyń jas bilgirleri aýdan ortalyǵynda bas qosty. Bul baıqaý oblystyq Bilim basqarmasy men "Qostanaı daryny" óńirlik ǵylymı-praktıkalyq ortalyǵynyń qolaýymen ekinshi ret ótkizilip otyr. Oblystyq jarysta 75 komanda, 125 oqýshy synǵa tústi. Qatysýshylar tórt túrli baǵyt boıynsha baqtaryn synady. Úzdikteri baǵaly syılyqtarmen marapattaldy.
15 qabandy atyp alǵan
Jangeldın. Tártip saqshylary Torǵaı aýylynda Nissan Patrol kóligin tizgindegen kúdiktini ustady. Kólik salonynan atyp alynǵan 15 jabaıy qaban tabylǵan. Zańsyz áreketke barǵan 58 jastaǵy azamat Aqshyǵanaq aýlynyń turǵyny bolyp shyqty. Qazirgi ýaqytta sotqa deıingi tergeý jumystary júrgizilýde.
